Para a súa posta en marcha aproveitarase a dotación e o persoal co que conta a oficina viveirense, que actuará como enlace para toda a provincia. Deste xeito, a Casa do Emigrante arranca coa actual plantilla, dous traballadores sociais e unha licenciada en Dereito, que se reforzará proximamente.
A oficina está formada por dúas salas, unha máis grande que terá carácter polivante e outra, de menor medida, na que se levará a cabo todo o proceso administrativo. En total, terá unha superficie de 100 metros cadrados.